Մեր մասին Գործունեություն Հրատարակություններ Համագործակցություն Լուրեր Կապ
Հիմնական գործունեություն
Իրադարձություններ
ԱՀՌԾ
Նամակ-արձագանքներ

ՄԻԺԻ-ի գործունեությունն ընդգրկում է հետևյալ հիմնական ուղղությունները`

 

Քաղաքացիական գործիչների պատրաստում. կրթական դասընթացների, դասախոսություն-քննարկումների և գործնական աշխատանքի միջոցով ՄԻԺԻ-ն աշխատում է երիտասարդների հետ, խթանում նրանց, ովքեր պատրաստ են ինքնաշխատությամբ զարգանալ և նվիրված ու անշահախնդիր քաղաքացիական գործունեություն ծավալել Հայաստանում:

 

Հրատարակչական գործունեություն. 2000թ-ից ի վեր հրատարակում էՏեսակետ-ՄԻԺԻքառամսյա հանդեսը, որի միջոցով հանրայնացվում են ՄԻԺԻի աշխարհայացքը, սկզբունքներն ու դիրքորոշումները, գործունեությունը, ինչպես նաև ՄԻԺԻի աշխարհայացքին համահունչ հոդվածներ, վերլուծություններ և այլ ստեղծագործություններ։ ՏեսակետՄԻԺԻ□□ն անվճար ցրվում է Հայաստանում, Արցախում և Սփյուռքի համայնքներում։ ՄԻԺԻ-ն նաև թարգմանում ու հրատարակում է իր արժեքներին ու աշխարհայացքին համահունչ տարբեր գրքեր և նյութեր, որոնց շնորհիվ հայ հանրությանը հասանելի է դարձնում համաշխարհային առաջադեմ հասարակական-քաղաքական մտքի նմուշները:

 

Քաղաքացիական ինքնակազմակերպում. ՄԻԺԻ-ն խթանում է քաղաքացիական ինքնակազմակերպումը, քաղաքացիական ու իրավական սկզբունքների վրա հիմնված գործունեությունն ու պայքարը տարբեր մակարդակներում: ՄԻԺԻ-ն մի շարք հաջող նախադեպեր է ստեղծել. (ա) հաշվետվության է կանչել ԵրևանիԿենտրոնհամատիրությանը` ստիպելով հաստատել իր ստեղծման օրինական հիմքերը և տեղեկատվություն տրամադրել իր անցյալ 4 տարիների գործունեության համար. դատական գործընթացում ապացուցվեց, որ համատիրության ստեղծման օրինականությունը հաստատող փաստաթղթերը բացակայում են, և որ այս կառույցը գործել է անհաշվետու ու ոչ թափանցիկ կերպով, (բ) հաջողվել է պահպանել Երևանի կենտրոնում շենքերի միջև ընկած բակի կանաչապատ տարածքը, որտեղ Երևանի քաղաքապետարանի ուՀայաստանի էլեկտրական ցանցերռուսական մասնավոր ընկերության կողմից նախատեսվում էր էլեկտրական ենթակայան կառուցել: ՄԻԺԻ-ն նաև խորհրդատվություն և աջակցություն է տրամադրում քաղաքացիներին` իրենց իրավունքները պաշտպանելու համար:

 

Հանրային քաղաքականությունների վերահսկողություն. ապահովելով ժողովրդի մասնակցությունը Հայաստանի Հանրապետությունում, Արցախում և Սփյուռքում` ՄԻԺԻն փորձում է զարգացնել ազգային ու քաղաքացիական ինքնագիտակցությունը և ազգային-պետական, քաղաքացիական ու հասարակական հիմնախնդիրները դնել հանրային որոշումների օրակարգում։ ՄԻԺԻ-ն մշտապես հետևում և դիրքորոշումներ է հայտնում ՀՀ կրթական, սոցիալ-տնտեսական քաղաքականությունների, Արցախյան հիմնահարցի և հայ-թուրքական հարաբերությունների, բնապահպանական և այլ կարևոր հասարակական-քաղաքական խնդիրների կապակցությամբ:

 

Copyright © 2002 – 2009 Institute for Democracy and Human Rights Created by PLANET.AM